काठमाडौं । नेपाली कांग्रेसको संस्थापन इतर पक्ष आसन्न १४ औं महाधिवेशनबारे थप रणनीति बनाउने गृहकार्यमा जुटेको छ ।

संस्थापन इतर बरिष्ठ नेता रामचन्द्र पौडेल पक्षका शीर्ष नेताको बैठक अहिले काठमाडौंको चाक्सीबारीस्ति प्रकाशमान सिंहको घरमा बसिरहेको छ ।

सो बैठकमा क्रियाशील सदस्यता वितरणका विषयमा असन्तुष्ट बनेर पार्टी कार्यालयमा धर्नामा बसेका जिल्ला जिल्ला सभापतिहरुको विषयमा पनि छलफल हुने चाक्सीबारी स्रोतले जनाएको छ ।

जिल्ला सभापतिहरु हिजो मंगलबारबाट ललितपुरको सानेपास्थित पार्टी मुख्यालयमा धर्नामा बसेका छन् ।