बुटवल । लुम्बिनी प्रदेशका दुई राज्यमन्त्रीले मंगलबार जिम्मेवारी पाएका छन् ।

माओवादी नेतृत्वको सरकार बनेको एक महिनापछि जनता समाजवादी पार्टीका दुईजना विना विभागीय मन्त्रीले जिम्मेवारी पाएका हुन् ।

विना विभागीय मन्त्री रहेका सुमन शर्मा रायमाझीलाई कृषि, खाद्य प्रविधि तथा भूमि व्यवस्था मन्त्रालय र पुरमती ढेंगालाई श्रम, रोजगार तथा यातायात व्यवस्था मन्त्रालयको जिम्मेवारी तोकिएको छ ।

गत साउन २८ गते नेकपा माओवादी केन्द्रका कुलप्रसाद केसी ‘सोनाम’ मुख्यमन्त्री नियुक्त भएका थिए ।

सोही दिन मुख्यमन्त्री केसीले नेपाली कांग्रेस र माओवादी केन्द्रका एक–एक जना, जसपाका तीनजना र स्वतन्त्र सांसद अजय शाहीलाई मन्त्री नियुक्त गरेका थिए ।