काठमाडौं । संघीय समाजवादी पार्टी (जसापा)बाट चोइटिएको लोकतान्त्रिक समाजवादी पार्टी (लोसपा)ले पनि संविधान दिवस नमनाउने भएको छ ।

संविधान निर्माण प्रक्रियामा दर्ज गरेका अहसमतिहरु नसमेटिएको भन्दै लोसपाले संविधान दिवस बहिष्कार गर्ने निर्णय गरेको हो ।

संविधान अपूर्ण रहेको भन्दै आइतबार संविधान दिवसका दिन लोसपाले संविधानको भण्डाफोर गर्ने भएको छ ।

संविधान दिवसमा सरकारले भब्य कार्यक्रम गरिरहँदा लोसपाले संविधानविरुद्ध अन्तरक्रिया कार्यक्रम गर्ने जनाएको छ ।

संविधान दिवसकै दिन आइतबार लोसपाले काठमाडौंमा शहीदको बलिदानी एवम् संविधानको पूर्णता विषयमा अन्तरक्रिया कार्यक्रम गर्न लागिएको लोसपाले जनाएको छ ।

सत्ता गठबठबन्धनका एक घटन जसपाले पनि सरकारले मनाउने संविधान दिवसको कार्यक्रम बहिष्कार गर्ने यसअघि नै घोषणा गरिसकेको छ ।