काठमाडौँ । आजदेखि सुरु भएको नेकपा एमालेको प्रथम विधान महाधिवेशनमा नेता प्रभु साह नजाने भएका छन् । आफूले राखेको ८ बुँदे प्रस्तावको सुनुवाई नभएको भन्दै उनी महाधिवेशनमा नजाने भएका हुन् ।

नेता साहले बिहीबार बिहान पार्टी अध्यक्ष केपी शर्मा ओली तथा साँझ महासचिव ईश्वर पोखरेलसहितका नेताहरूसँग भेट गरी छलफल गरेका थिए । उनले राखेको प्रस्तावमाथि सुनुवाई नभएको भन्दै आफूहरु महाधिवेशन नजाने बताएका हुन् ।

उनले आफ्नो प्रस्तावमा एमाले दुई पार्टीहरू एमाले र नेकपा माओवादी केन्द्रको एकताबाट बनेको नेकपाकै परिपाटीमा हुनु पर्ने माग राख्दै आएका थिए ।

उनले एमालेले जनताको बहुदलीय जनवाद (जबज)लाई नै निरन्तरता दिइएको भन्दै फरक मत राख्दै आएका थिए । उनले नेकपा पार्टी खारेज भएसँगै माओवादीमा नफर्की एमालेमा बस्ने निर्णय गरेका थिए ।