काठमाडौं । नेकपा (एमाले)ले पार्टीको नयाँ लोगो र एप सार्वजनिक गरेको छ ।

ललितपुरको गोदावरीमा भएको विधान महाधिवेशन अन्तर्गत आइतबार अध्यक्ष केपी शर्मा ओलीले पार्टीको लोगो र एप सार्वजनिक गरेका हुन् ।

धेरै समयअघिदेखि नै एमालेको लोगोकोमा सूर्य चिन्हको बीचमा ठूलो अक्षरको सीपीएन यूएमएल र त्यसको बीचमा सानो झण्डामा हसिया हतौडा थियो ।

नयाँ लोगोमा सूर्य चिन्हको बीचमा गोलाकारभित्र हरियाँ हतौडा मात्रै राखिएको छ ।

यस्तै, एमालेले आइतबार नै एप सार्वजनिक गरी सांगठनिक क्रियाकलापलाई प्रविधिमैत्री बनाउने बताएको छ । अब नयाँ सदस्यता लिनेदेखि नविकरणको कामहरु पनि एपमार्फत नै गरिने कार्यालय सचिव शेरबहादुर तामाङले बताए ।