काठमाडौं । नेपाली कांग्रेसको १४ औं महाधिवशनमा पार्टी सभापति लड्ने तयारीमा रहेका पार्टी उपसभापति विमलेन्द्र निधि, महामन्त्री डा. शशांक कोइराला र नेता प्रकाशमान सिंहबीचको बैठक सकिएको छ ।

दिउँसो ३ बजेबाट तीन नेताहरुबीच उपसभापति विमलेन्द्र निधि निवास वानेश्वरमा छलफलमा जुटेका थिए ।

तीन नेताहरुबीच तीन कुरामा सहमति भएको प्रकाशमानका स्वकिय युपी लामिछानले बताए ।

उनका अनुसार सोमबारको बैठकमा बाँकी रहेका जिल्लाको क्रियाशील सदस्यको बिवाद तत्कालै टुंगोमा पुराउनु पर्ने क्रियाशील सदस्यको कारण महाधिवेशन तालिका प्रभावित हुन दिनु नहुने तोकियकै समयमा सम्पन्न गराउनु पर्ने, सरकारलाई तत्काल पूर्णता दिनु पर्ने र सहमति जुटायर मिलेर जाने र थप छलफल भेटघाटको दायरा बढाउदै जाने निर्णय भएको छ ।