काठमाडौँ । प्रदेश २ का मुख्यमन्त्री लालबाबु राउतले विश्वासको मत लिंदैछन् । उनले बुधबार बिहान ११ बजे प्रदेश सभामा विश्वासको मत लिन लागेका हुन् ।

जनता समाजवादी पार्टी (जसपा) फुटेपछि उनले विश्वासको मत लिन लागेका हुन् । तर मुख्यमन्त्री राउतले विश्वासको मत पाउने निश्चित छ । कुल १०४ जना सांसद रहेको प्रदेश २ मा सत्तारुढ जसपाका ३९, नेपाली कांग्रेसका १९, नेकपा एकीकृत समाजवादीका १३ र नेकपा माओवादी केन्द्रका ८ जना गरी ७९ जना सांसदले मुख्यमन्त्रीलाई विश्वासको मत दिने भएका छन् ।

मुख्यमन्त्री राउतलाई लोकतान्त्रिक समाजवादी पार्टी (लोसपा) का १६, नेकपा एमालेका ८ र नेपाल संघीय समाजवादी पार्टीका १ सांसदले विश्वासको मत दिने छैन्न ।