काठमाडौँ । देशका विभिन्न जिल्लामा परेको अविरल वर्षाका कारण आएको बाढी र पहिरोबाट ११३ जनाको मृत्यु भएको छ । आईतबार बिहानसम्म विपद् व्यवस्थापन महाशाखाका अनुसार १ सय १३ जनाको मृत्यु भएको हो ।

घटनामा ३३ जना बेपत्ता र ३२ जना घाइते भएको महाशाखाले जनाएको छ । महाशाखाका अनुसार देशका विभिन्न स्थानमा आएको बाढी र पहिरोका कारण ११३ जनाको मृत्यु, ३३ जना वेपत्ता र ३२ जना घाईते भएका छन् ।

महाशाखाका अनुसार कात्तिक २ गते ६ जना, कात्तिक ३ गते ६३ जना, कात्तिक ४ गते २५ जना, कात्तिक ५ गते १३ जना, कात्तिक ६ गते ८ जना र कात्तिक ७ गते १ जना गरी जम्मा १ सय १३ जनाको मृत्यु भएको हो ।