काठमाडौं । काठमाडौंको नयाँ बानेश्वरस्थित सडक भासिएको छ । तीनकुने–सडक खण्डको नयाँ बानेश्वरस्थित यातायात ब्यवस्था विभागको अगाडिको मुख्य सडक भासिएको हो ।

यसअघि पोखरामा पनि पटक पटक सडक भासिने र भ्वाङ पर्ने गरेको थियो । पोखराका सडक भासिए पनि काठमाडौंमा भने सम्भवतः पहिलो पटक सडक भासिएको हो ।

सडकमा करिब ८ फिट गहिरो भ्वाङ देखिएपछि त्यसलाई भत्काएर खाल्डो पुर्ने तयारी गरिएको छ । मुख्य सडकको बीचभागमै भ्वाङ परेपछि सोमबार उक्त सडक केहीवेर अवरुद्ध भएको थियो ।

भासिएको क्षेत्रलाई घेरा लगाएर बन्द गरिएपछि बाटो एकतर्फी सञ्चालन भएको छ ।

सडक भासिएको ठाउँमा खन्दै जाँदा भित्र ढल निकास भेटिएको छ ।