काठमाडौँ । सिन्धुपाल्चोकमा जन्ती बसले मोटरसाइललाई ठक्कर दिँदा एक जनाको मृत्यु भएको छ । काठमाडौँतर्फ आइरहेको हेलम्बु यातायातको जन्ती बसले मोटरसाइकल ठक्कर दिँदा नुवाकोट घर भएका बासु बस्नेतको मृत्यु भएको हो ।

सोमबार बिहान ८ बजे जिल्लाको बाहुनेपाटीमा बा ४ छ ७७६६ नम्बरको बसले ०२०२० बा.प्र. २११४ नम्बरको मोटरसाइकललाई ठक्कर दिएको प्रहरीले जनाएको छ ।

बसको ठक्करबाट युवाको मृत्यु भएपछि स्थानीयले बस तोडफोड गरेका थिए । घटनास्थलमा प्रहरीले अनुसन्धान सुरु गरेको छ । बसका चालक फरार भएका छन् ।