काठमाडौं । कैलालीको लम्कीचुहा नगरपालिका–१ का २३ वर्षीय युवा भूपेन्द्र बडुवालको हत्याका आरोपीलाई प्रहरीले धरानबाट पक्राउ गरेको छ ।

घटनामा संलग्न भएको आरोपमा प्रहरीले लम्कीचुहा–१ का चिसापानीका १९ वर्षीय मदन शाहीलाई पक्राउ गरेको हो । शाहीलाई इलाका प्रहरी कार्यालय इटहरीको टोलीले आइतबार बिहान धरानबाट पक्राउ गरेको हो ।

शाही सुनसरी आएको सूचना पाएपछि प्रहरीले खोजी तीब्र पारेको थियो ।

बडुवालको गत कात्तिक २३ गते राति टीकापुरमा हत्या भएको थियो । हत्या आशंकामा १६ जनाविरूद्ध परिवारले किटानी जाहेरी दिएका छन् ।

किटानी जाहेरी परेकामध्ये शाहीसहित सात जना फरार थिए ।