काठमाठौं । राष्ट्रिय प्रजातन्त्र पार्टी (राप्रपा)को एकता महाधिवेशनमा शनिवार मध्यान्हदेखि मतदान सुरू भएको छ । विहान ११ बजेदेखि मतदान शुरु गर्ने निर्वाचन कार्यतालिका भए पनि एक घण्टा ढिलो मतदान शुरु भएको हो ।

काठमाडौंको भृकुटीमण्डपमा जारी महाधिवेशनमा ४ हजार ३ सय ८० जना प्रतिनिधि रहेका छन् । विद्युतीय माध्यामबाट मतदान गर्ने ब्यवस्था भए पनि एक जनाले मतदान गर्न मात्रै १० देखि १५ मिनेट लाग्ने भएको मतदान सम्पन्न हुन समय लाग्ने निर्वाचन समितिले जनाएको छ ।

अध्यक्षका लागि मतपत्रमा मतदान गर्ने ब्यवस्था गरिएको छ भने अन्य पदाधिकारी र केन्द्रीय सदस्यहरुका लागि विद्युतीय माध्यमबाट मतदान गरिनेछ । मतदानका लागि ८६ वटा बुथ राखिएको छ । मतदान गर्न समय लागे पनि परिणाम भने छिट्टै आउनेछ ।

महाधिवेशनमा एक सय ४९ सदस्यीय नयाँ कार्य समिति गठन गर्न २७६ जनाले उम्मेदवारी दिएका छन् ।

कार्य समितिमा अध्यक्ष, चार उपाध्यक्ष, तीन महामन्त्री गरी आठ पदाधिकारीसहित सदस्यहरू रहनेछन् । अध्यक्षमा कमल थापा र राजेन्द्र लिङ्देनको उम्मेदवारी रहेको छ ।

उपाध्यक्ष र महामन्त्रीमा कम्तीमा एक महिला निर्वाचित हुनेछन् भने चार उपाध्यक्ष, तीन महामन्त्रीका साथै केही पदाधिकारी कार्य समितिले मनोनित गर्ने व्यवस्था छ । उम्मेदवारी दर्ताबाट कूल ५० लाख रुपैयाँ संकलन भएको जनाइएको छ ।

सम्बन्धित समाचार

हिजोका चेला, आजका प्रतिस्पर्धी

कमल थापा भर्सेस राजेन्द्र लिङ्देन, को कति बलियो ?