काठमाडौँ । नेपाली कांग्रेसको १४ औँ महाधिवेशनको उद्घाटनमा शीर्ष नेताहरू पुग्न थालेको छन् । महाधिवेशनमा सहभागी हुन देशका विभिन्न राजनीतिक दलसहित विदेशी दलका नेताहरूलाई समेत निम्तो गरिएको छ ।

महाधिवेशनमा प्रधानमन्त्री तथा कांग्रेस सभापति शेरबहादुर देउवा, वरिष्ठ नेता रामचन्द्र पौडेल, नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’, नेकपा एकीकृत समाजवादीका अध्यक्ष माधवकुमार नेपाल उद्घटन स्थलमा पुगेका हुन् ।

कांग्रेसले महाधिवेशनमा सहभागी हुन निम्तो दिएको नेकपा एमालेका अध्यक्ष केपी शर्मा ओली आउने भनिए पनि आइपुगेका छैनन् ।

यस्तै, राष्ट्रिय प्रजातन्त्र पार्टी (राप्रपा)का अध्यक्ष राजेन्द्र लिङ्देन, राष्ट्रिय जनता पार्टीका अध्यक्ष उपेन्द्र यादव, लोकतान्त्रिक समाजवादी पार्टीका अध्यक्ष महन्थ ठाकुर पुगिसकेका छन् । उद्घाटन सत्रमा भारतीय जनता पार्टी (भाजपा)का नेता हंस प्रधान र कांग्रेस आईका मुकुल बनिकसमेत पुगिसकेका छन् ।

कार्यक्रममा नेपाली कांग्रेसका नेताहरूको बाक्लो उपस्थित रहेको छ ।