काठमाडौं । राजनीतिमा स्थायी शत्रु र स्थायी मित्र कोही पनि हुँदैनन भनिन्छ । तर एक वर्ष यता एमाले अध्यक्ष केपी ओली र माओवादी केन्द्रका अध्यक्ष पुष्पकमल दाहाल (प्रचण्ड)को सम्वन्ध अत्यन्त विकृत रुपमा विग्रेको छ । एमाले र माओवादी केन्द्र एक भएर नेकपा रहेकै बेलामा पार्टीका तर्फबाट सरकारको नेतृतव गरिरहेका केपी ओलीले पार्टीभित्र आफु अप्ठ्यारोमा परेपछि संसद विघटन गरिदिए ।

त्यसपछि ओलीको विरुद्धमा प्रचण्डले पार्टीमै रहेका अर्का नेता माधव नेपाल समेतलाई लिएर सडक आन्दोलनमा उत्रिए । त्यसवाट विग्रेको प्रचण्ड ओली सम्वन्ध अहिले पनि सुर्धन सकेको छैन । त्यसयता यी दुई नेता सँगै भेटिने त काहाको काहाँ सामान्य वोलचाल समेत थिएन ।

त्यसतै माधव नेपालसँग पनि ओलीको ५ महिनायता भेटघाट त के, मञ्चमा समेत सँगै देखिएका थिएनन । एमाले महाधिवेशनमा ओलीले प्रचण्डलाई निम्तो पठाएपनि उनी गएनन । माधव नेपालको पार्टीलाई त ओलीले अवैध पार्टी भन्दै निम्तो समेत दिएको थिएन । ओलीले माधव नेपालको पार्टी संसदमा उपस्थित रहेसम्म संसद चल्न नदिने अडान अहिले पनि लिईरहेकै छ ।

यस्तो बेला कांग्रेसको महाधिवेशन यस्तो संयोग मिल्यो, वर्ष दिन देखि भेट नभएका प्रचण्ड र ओली तथा ५ महिनादेखि भेट नभएका ओली र माधव नेपाल सवै एउटै मञ्चमा भेट भए । प्रचण्ड र नेपाल एकातिर वसे भने ओली अर्काेतिर । वीचमा प्रधानमन्त्री शेरवहादुर देउवा वसेका थिए ।

अन्य नेताहरु भन्दा ओली कांग्रेसको मञ्चमा अलिक ढिलो गरी पुगेका थिए । त्यसक्रममा ओली प्रचण्ड माधव नेपाल लगायत नेताहरु वसेका नेताहरु हुँदै मञ्चमा अगाडी वढेका थिए । त्यसक्रममा उनले दुई हात जोडेर नमस्कार गदै पुगेका थिए । तर त्यसवेला प्रचण्ड अर्काेतिर र माधव नेपाल भने मुन्टो तलतिर हेरेर वसेका थिए ।