काठमाडौँ । नेपाली कांग्रेसको जारी १४ औँ महाधिवेशनमा मीन विश्वकर्माले आफ्नो उम्मेदवारी फिर्ता लिएका छन् । उनले केन्द्रीय सदस्य (दलित खुल्ला)तर्फबाट आफ्नो उम्मेदवारी फिर्ता लिएका हुन् ।

उनले एक विज्ञप्ति जारी गर्दै उम्मेदवारी फिर्ता लिएको बारेमा पार्टीको केन्द्रीय निर्वाचन समितिलाई जानकारी गराएका हुन् ।

‘कांग्रेसको १४ औँ महाधिवेशनको लागि मनोनयन पत्र दर्ता गर्ने शिलशिलामा केन्द्रीय सदस्य (दलित खुल्ला)मा मेरो पनि नाम क्रं. सं. १९ मीन विश्वकर्मा दर्ता रहेको देखिएकोमा उक्त पदमा उम्मेदवारी दिने मेरो कुनै मनसाय नभएकोले उक्त पदको उम्मेदवारी फिर्ता लिएको अनुरोध साथ जानकारी गराउँदै मेरो नाम उक्त सूचीबाट हटाइदिनुहुन यो निवेदन पेश गर्दछु,’ उनले हस्ताक्षर गरेको विज्ञप्तिमा भनिएको छ ।