काठमाडौं । नेपाली कांग्रेसको १४औँ महाधिवेशन अन्तर्गत जारी मतदानमा सभापतिमा ४,२०० मत खसेको छ । कांग्रेस केन्द्रीय निर्वाचन समितिका अनुसार ८।५० बजेसम्म सभापतिमा ४,२०० मत खसेको हो । सभापतिबाहेक अन्य पदमा ३५०० मत खसेको निर्वाचन समितिका सदस्य सचिव जगन्नाथ श्रेष्ठले जानकारी दिए ।

शुक्रबार उद्घाटन भएको कांग्रेसको महाधिवेशनमा आजदेखि मतदान सुरु भएको हो । सोमबार १२ बजेदेखि सुरु भएको मतदान राति १० बजेसम्म जारी राख्ने कांग्रेस निर्वाचन समितिले जनाएको छ । कुल चार हजार ७४३ महाधिवेशन प्रतिनिधिले कांग्रेसको नयाँ नेतृत्व चयन गर्ने छन् ।