काठमाडौँ । रामेछापको मन्थलीबाट सालकको खपटासहित दुई जना पक्राउ परेका छन् । पक्राउ पर्नेमा मन्थली–४ च्याउकेठाँटीका २६ वर्षीय मनोज थापा र २१ वर्षीय अशोक थापा रहेको प्रहरीले जनाएको छ ।

घर खानतलासी गर्दा उनीहरूको साथबाट ३ सय ६६ ग्राम दुर्लव बन्यजन्तु सालकको खपटा भेटिएको रामेछाप जिल्ला प्रहरी कार्यालयले जनाएको छ । उनीहरूले बेच्नका लागि खपटा घरमा लुकाएर राखेका थिए ।

थप अनुसन्धान र आरोपीहरुलाई आवश्यक कारबाहीका लागि प्रहरीले चिसापानी सबडिभिजन बन कार्यालय मन्थलीमा बुझाएको छ ।