काठमाडौँ । नेकपा माओवादी केन्द्रको बन्दसत्र आजदेखि हुने भएको छ । बिहान ११ बजेदेखि प्रज्ञा भवनमा नै बन्दसत्र हुने भएको हो ।

आइतबार उद्घाटन सत्रको समापन गर्दै स्थायी समिति सदस्य जनार्दन शर्माले बन्दसत्रका बारेमा जानकारी दिएका हुन् । बन्दसत्रमा अध्यक्ष पुष्पकमल दाहाल ‘प्रचण्ड’को राजनीतिक प्रतिवेदन, विधानलगायत प्रतिवेदन पेश हुने भएको छ ।

माओवादीको बन्दसत्रमा एक हजार ६३१ जना प्रतिनिधि तथा पर्यवेक्षक सहभागी हुने छन् ।