काठमाडौं । नेकपा (माओवादी केन्द्र)को काठमाडौंमा जारी आठौं राष्ट्रिय महाधिवेशनबाट केन्द्रीय समिति चयन गर्ने प्रदेशलाई दिइएको छ ।

महाधिवेशनको बन्दसत्रकै क्रममा महाधिवेशन आयोजक समितिको शनिवार बसेको बैठकले केन्द्रीय समिति छान्ने जिम्मा प्रदेशलाई दिएको हो ।

सात वटै प्रदेशलाई कोटा तोकेर केन्द्रीय सदस्य छान्ने जिम्मा दिइएको माओवादीले जनाएको छ ।

२ सय ९९ सदस्यीय केन्द्रीय समिति मध्ये २ नम्बर प्रदेशले ४३ जना केन्द्रीय सदस्य पाउने भएको छ । अन्य प्रदेशलाई पनि यसैगरी नै भागबण्डा लगाइएको छ । प्रदेश प्रदेशको छलफलबाट सदस्यको नाम टुंगो लागेपछि बन्दसत्रमा निर्वाचन प्रक्रिया अगाडि बढाइने बताइएको छ ।

यसअघि शनिवार नै नेता देवप्रसाद गुरुङले पेश गरेको विधान मस्यौदा बन्दसत्रबाट संशोधनसहित अनुमोदन गरेको थियो ।