काठमाडौँ । नेकपा माओवादी केन्द्रको अन्तिम स्थायी कमिटी बैठक जारी रहेको छ । माओवादी केन्द्रको महाधिवेशन आयोजक स्थायी कमिटीको अन्तिम बैठक प्रज्ञा भवन कमलादीमा जारी रहेको हो ।

माओवादी केन्द्रले सर्वसम्मत पार्टीको नेतृत्व चयन गर्न छलफल गरिरहेको छ । पार्टीको आठौं राष्ट्रिय महाधिवेशन अन्तगर्त आज आठौं दिन हो । केही बेरमा सुरु हुने महाधिवेशन हलबाट सर्वसम्म पार्टीको नेतृत्व चयन गरेर आज नै महाधिवेशन सकिने बताइएको छ । माओवादीको महाधिवेशन ११ गतेदेखि काठमाडौंमा सुरु भएको थियो ।

१२ गते सोमबार पार्टी अध्यक्ष पुष्पकमल दाहाल प्रचण्डले पेस गरेको राजनीति प्रतिवेदनमाथि छलफल गरेर सुझाब पेस गरिएको थियो । माओवादी केन्द्रले आगामी पाँच वर्षका लागि नयाँ नेतृत्व चयन गर्दैछ ।