काठमाडौं । नेपाल दूरसञ्चार कम्पनी लिमिटेड (नेपाल टेलिकम)को निमित्त प्रबन्ध निर्देशकमा नायब प्रबन्ध निर्देशक प्रतिभा वैद्य नियुक्त भएकी छन् । उनलाई सञ्चार तथा सूचना प्रविधि मन्त्रालयले निमित्त प्रबन्ध निर्देशकको जिम्मेवारी दिएको हो ।

यसअघि कम्पनीको नायब प्रबन्ध निर्देशकको रुपमा प्रमुख प्राविधिक अधिकृतको कार्यभार सम्हाल्दै आएकी उनले सोमबारदेखि निमित्त प्रबन्ध निर्देशकको जिम्मेवारी समालेकी हुन् ।

सरकारका योजना तथा कार्यक्रमलाई सहयोग हुने कार्यक्रमहरु, कम्पनीको सञ्चालक समितिको निर्णय र मार्ग निर्देशनहरु तथा नियामक निकाय लगायत अन्य सरोकारवालाको तर्फबाट प्राप्त हुने सल्लाह, सुझाव, गुनासाहरु छिटो/छरितो तथा उचित रुपले सम्बोधन गर्ने कार्यमा सबै निर्देशनालय, विभाग, कार्यालयमा कार्यरत कर्मचारी तथा कम्पनीमा क्रियाशील ट्रेड युनियनकाबाट विगतमा जस्तै सहयोग प्राप्त हुने अपेक्षा उनले गरेकी छन् ।