काठमाडौँ । सत्ता गठबन्धन दलहरूद्वारा गठित उच्च स्तरीय राजनीतिक समन्वय समितिको बैठक सकिएको छ । प्रधानमन्त्रीको सरकारी निवास बालुवाटारमा बसेको बैठकमा स्थानीय निर्वाचनबारे छलफल भएको हो ।

बैठकमा दलका नेताहरूले संविधानअनुसार समयमा स्थानीय निर्वाचन गर्ने सहमत भएका छन् । स्थानीय तहका जनप्रतिनिधिको पदावधि आगामी जेठ ५ गते सकिँदै छ । सो समयअघि नै स्थानीय तहको निर्वाचन गर्नु पर्ने संवैधानिक व्यवस्था रहेअनुसार निर्वाचन आयोगले आगामी वैशाख १४ र २२ गतेको मिति सिफारिस गरिसकेको छ ।

श्रोतका अनुसार आयोगले सिफारिस गरेको मिति नजिकै सरकारले निर्वाचन मिति तय गर्ने भएको छ ।