काठमाडौं । पूर्वाञ्चल विश्वविद्यालयले सबै परीक्षा स्थगित गरेको छ ।

कोरोना संक्रमणको जोखिम तीब्र बन्दै गएपछि पूर्वाञ्चल विश्वविद्यालयले पनि आफ्नो पूर्व निर्धारित सबै परीक्षा स्थगित गरेको हो ।

परीक्षा नियन्त्रक मोहनबहादुर बस्नेतले शुक्रबार सूचना निकालेर सबै संकायअन्तर्गत विभिन्न शैक्षिक कार्यक्रममा सञ्चालनमा रहेका र सञ्चालन हुन बाँकी परीक्षा माघ मसान्तसम्म स्थगित गरिएको जानकारी दिएका छन् ।

यसअघि त्रिभुवन विश्वविद्यालय, काठमाडौं विश्वविद्यालय र मध्यपश्चिम विश्वविद्यालयले सबै परीक्षा स्थगित थियो ।