कैलाली । कैलालीको कैलाली गाउँपालिका कोरोना विरुद्धको भेरोसेल दोस्रो खोप लगाएका ५३ वर्षीय पुरुषको मृत्यु भएको छ ।

आइतबार कैलाली गाउँपालिकाकै वडा स्वास्थ्य कार्यालयमा उनले दोस्रो खोप लगाएका थिए ।

खोप लगाएको आधा घण्टामा उनको मृत्यु भएको हो । कुनै पनि स्वास्थ्य समस्या नरहेको सोही वडाको स्वास्थ्य कार्यालयले जनाएको छ ।

सोही वडा कार्यालयका स्वास्थ्य प्रमुख रमेश रोकायले भेरोसेल दोस्रो मात्रा लगाएको आधा घण्टामा ति पुरुषको मृत्यु भएको जानकारी दिए । ति पुरुषले पहिलो खोप गत मंसिर १३ गते लगाएका थिए ।