बाजुरा । बाजुरको एक नगरपालिकाका वडा अध्यक्ष पक्राउ परेका छन् । नगर सभाको माइन्युट च्यातेको आरोपमा प्रहरीले बाजुरा, त्रिवेणी नगरपालिका ७ का वडा अध्यक्ष प्रेमबहादुर थापालाई पक्राउ गरेको हो ।

माइन्युट च्यातेको भन्दै वडाध्यक्षविरूद्ध नगरपालिकाका प्रमुख प्रशासकीय अधिकृत चिरञ्जीवि शाहले उजुरी दिएका थिए।

उजुरीपछि प्रहरीले वडाध्यक्ष थापालाई हिजो बुधबार पक्राउ गरेको हो ।
वडा नम्बर ९ का अर्का वडाध्यक्ष वीरबहादुर विष्टमाथि पनि माइन्युट च्यातेको आरोपमा उजुरी परेको छ। तर उनी भने फरार छन् । उनीहरूले माघ १० मा नगरसभाको माइन्युट च्यातेको आरोप छ।