बीबीसी । भारतीय प्रधानमन्त्री नरेन्द्र मोदी दुईदिने भ्रमणको क्रममा आज बङ्गलादेश पुगेका छन्। बङ्गलादेशका राष्ट्रपिता शेख मुजिबुर रहमानको जन्मशताब्दीका अवसरमा मोदीले बङ्गलादेशको भ्रमण गरेका हुन्।

कोरोना कहर सुरु भएपछि यो उनको पहिलो विदेश यात्रा पनि हो। मोदीलाई ढाकास्थित विमानस्थलमा प्रधानमन्त्री शेख हसिनाले स्वागत गरिन्।
उनी दिउँसो बङ्गलादेशका विदेश मंत्री एके अब्दुल मोमनसँग भेट गर्ने कार्यक्रम रहेको छ। त्यसपछि उनी राष्ट्रिय दिवस कार्यक्रममा सम्मिलित हुनेछन्।