एजेन्सी । कोरोना संक्रमणबाट भारतीय टेलिभिजन पत्रकार रोहित सरदानाको निधन भएको छ ।

केहि दिन अघि कोरोना संक्रमण पुष्टि भएका सरदानाको ४० वर्षको उमेरमा निधन भएको हो।

अप्रिल २४ मा सरदानाले ट्वीटमार्फत आफूलाई कोरोना संक्रमण भएको जानकारी दिएका थिए । एक हप्तअघि ज्वरो र बाँकी लक्षण देखिएपछि पीसीआर परीक्षण गर्दा कोरोना पुष्टि भएको उनले बताएका थिए । तर पहिलेभन्दा स्वास्थ्य अवस्थामा सुधार भएको पनि उनले बताएका थिए ।

एक हफ़्ते पहले बुख़ार और बाक़ी लक्षण आने के बाद टेस्ट कराया था. RTPCR नेगेटिव आया लेकिन CTScan से कोविड की पुष्टि हो गई थी. अभी हालत पहले से बेहतर है. आप सभी अपना और अपने परिवारजनों का ख़याल रखें. pic.twitter.com/mq4fC9HQ9L

— रोहित सरदाना (@sardanarohit) April 24, 2021

सरदानाले जी न्युजमा पनि काम गरेका थिए । उनले सन् २०१७ मा जी न्युज छाडेर आज तक गएका थिए । आजतकमा उनले ‘दंगल’ चलाउँथे । पछिल्लो समय राति दस बजे आउने कार्यक्रम ‘दस तक’ पनि चलाउँदै आएका थिए ।