काठमाडौं । पछिल्लो समय तनाव र व्यस्तता, नियमित शारीरिक कसरतको अभाव, अस्वस्थकर खानेकुरा र निस्क्रिय जीवनशैलीलले मानिसहरुमा विभिन्न किसिमका रोग लाग्न सक्ने खतरालाई बढाएको छ। जसले गर्दा नसर्ने रोगहरुको जोखिम बढ्दै गएको विभिन्न तथ्याकंहरुले पुष्टि गरिसकेका छन् । त्यस कारण दिनहुँ शारीरिक कसरत फाईदा पनि हुन्छ नै तर ति कसरत गर्दा हामीले सानो सानो कुरामा थप दिन जरुरी हुन्छ ।
शारीरिक निस्क्रियताको कारण हुने सक्ने समस्याहरु
उच्च रक्तचाप र मुटु सम्बन्धी समस्यामोटोपना र यसको जोखिम बढ्न सक्ने
हड्डी तथा माशंपेशीहरुमा कमजोरी
क्यान्सर, मधुमेह जस्त नसर्ने रोगहरु देखा पर्न सक्ने
तनाव र छटपटाहटको महसुस

शारीरिक रुपमा कसरी सक्रिय रहन सकिन्छ
४५ मिनेटसम्म भलिबल खेल्ने
४५ देखि ६० मिनेटसम्म फुटबल खेल्ने
३० देखि ४५ मिनेटसम्म बगैँचामा काम गर्ने
दैनिक २ माइल ३० मिनेटसम्म हिड्ने
३० मिनेटसम्म बास्केटबल खेल्ने
३० मिनेटसम्म ५ माइल साइकल चलाउने
३० मिनेटसम्म पौडी खेल्ने आदि। माथि उल्लेख गरिएका मध्ये कुनै पनि एक क्रियाकलापद्धारा आफुलाई सक्रिय राख्न सकिन्छ।

शारीरिक कसरत गर्दा ध्यान दिनुपर्ने कुराहरु
– शारीरिक कसरत गर्नुभन्दा अगाडि विस्तारै सुरु गरी सुक्ष्म व्यायाम गर्नुपर्दछ। रोक्नु अगाडि पनि विस्तारै रोक्नुपर्छ।
– कडा कसरत गर्ने व्यक्तिले आवश्यक मात्रामा पानी पिउने र पौष्टिक खोनकुराहरु खानुपर्दछ।
– सुरुमा एकै पटक धेरै कसरत गर्नु हुँदैन। अलिअलि गर्दै बिस्तारै आफ्नो लक्ष्य हासिल गर्नुपर्दछ।

– कडा कसरत गरीसकेपछि केही समय आराम गर्नु जरुरी हुन्छ।
– दैनिक कम्तीमा आधा घण्टा पसिना आउने गरी हिड्ने, व्यायाम गर्ने, खेलकुद र काम गर्ने गरेर शारीरिक सक्रियता कायम गर्ने।
-गर्भवती, प्रसूति र शल्यक्रियापछि तथा मुटुसँग सम्बन्धित रोग भएका व्यक्तिहरुले शारीरिक कसरत गर्नु अघि अलि बढी सतर्कता र चिकित्सकको राय लिनु आवश्यक हुन्छ।

शारीरिक कसरतबाट हुने फाइदाहरु
– मुटु सम्बन्धी समस्या हुनबाट बचाउँछ।
– फोक्सोको क्षमतामा वृद्धि गर्दछ।
– मधुमेशको रोगलाई नियन्त्रण गर्दछ।
– तौल ठिक राख्न मद्दत गर्दछ।
– शारीरिक दुखाई नियन्त्रण गर्दछ।
– हड्डीलाई बलियो र मजबुत बनाउँछ।
– तनावबाट मुक्त राखी मानसिक आनन्द दिन्छ।
शारीरिक कसरत जुनै किसिमको भएपनि शरीरलाई स्वस्थ र बलियो रहनका लागि मद्दत गर्दछ।

एजेन्सीको सहयोगमा