काठमाडौं । आज २०७८ वैशाख महिनाको २० गते सोमबार, वैशाख कृष्णपक्षको सप्तमी तिथि । आज अन्तर्राष्ट्रिय प्रेस स्वतन्त्रता दिवस । अब लागौं आजको राशिफलतर्फ
मेष
मनमा उदासिनता बढ्ने छ । साथै चिन्ताले सताउने छ । प्रेममा सफलता प्राप्त हुने छैन । तर आत्माबल बलियो हुने भएकाले परिस्थितिसँग जुध्न एक प्रकारको तागत भने प्राप्त हुनेछ । ब्यक्तित्वमा भने बोल्डपना विकास हुनेछ । आशा गरे जस्तो ब्यापार ब्यवसाय तथा पेशामा सफलता प्राप्त हुने छैन् ।

वृष
रिस धेरै कडा हुने भएकाले यसबारेमा ध्यान दिएर मात्र अघि बढ्नु होला । मनमा उदासिनता बढ्ने छ । भाग्यको साथ नभएको जस्तो मनमा लागि रहने छ । घर, घडेरी तथा बाहन बेच्नु पर्ने तथा खर्च हुने समय रहेकाले विचार गरेर मात्र अघि बढ्दा उपयुक्त हुने छ । राजनीति तथा प्रशासन क्षेत्रमा संलग्नहरुको हकमा आफूले निर्वाह गरेको भुमिका प्रति उच्च नेतृत्वको उचित मूल्यांकन हुने छ ।

मिथुन
मनमा अत्यन्त निराशा उत्पन्न हुने छ । मन उदास हुने भएकाले कर्मशिल जीवनमा पनि जोश र जाँगरको अभाव हुनेछ । जीवनसाथीको साथले काम गरेमा भाग्योदयका लागि मद्धत पुग्ने तथा केही राहत दिनेछ । बोल्ड ब्यक्तित्व हुने छ, जसले गर्दा कसैले पनि हेप्न भने सक्ने छैनन् । पेशागत जीवन भने सकारात्मक रहने छ ।

कर्कट
साझेदारीमा गरिएका कार्यहरुमा अवरोध आउने छन् । दाम्पत्य जीवनमा मधुरताको कमि हुने छ जसले गर्दा मनमा उदासिनता थपिने छ । मनमा निरन्तर दुविधा आउने भएकाले निर्णय क्षमतामा कमि आउने छ । पेशागत जीवनमा भने सकारात्मक नै देखिन्छ । अध्ययन अध्यापनमा भने रुचि कम लाग्न जाने छ ।

सिंह
भाग्यको बलियो साथ रहेको छ, जसले गर्दा अवरोधहरु समाधान गर्न मद्दत पुग्नेछ । पेशागत जीवनमा स–सानो उतार चढाव आएता पनि औसतमा सकारात्मक दिशामा नै अघि बढ्ने छ । मनमा दुविधा उच्च हुन पुग्ने भएकाले कुनै पनि कार्यमा मन पूर्णतया लाग्न सक्ने छैन । भित्रि बुद्धिको सहायताले धैर्य भएर अघि बढेमा चुनौतिहरु सामना गर्न सकिनेछ ।

कन्या
आम्दानीको विषयलाई लिएर मनमा अन्योल र असन्तोष उत्पन्न हुन जानेछ । अध्ययनमा कठिनाईहरु उत्पन्न हुने छन् । ब्यक्तित्वमा कमि आउने छ । बोलीमा प्रभावहिनता आउने भएकाले सतर्कतासहित छलफल तथा तर्क वितर्कमा भाग लिँदा ठिक हुने छ । भाग्यहिनताको अनुभुति हुने छ, यसले कार्य सफलतामा ढिलाई गराउने छ ।

तुला
आम्दानीमा थोरै भए पनि बृद्धि हुन पुग्ने छ । जीवनसाथिको साथमा कामलाई अघि बढाएमा फाइदा हुने देखिन्छ भने जीवनसाथिको साथले राखिएका लक्ष्य प्राप्तिमा मद्दत पुग्ने छ । साझेदारीमा गरिएका कामहरुले पनि राम्रो नतिजा दिने छन् । भाग्यको साथ रहेकाले धन, सम्पत्ति तथा भाग्यमा बृद्धि हुने छ । मनोबल उच्च रहने छ । नेतृत्व क्षमतामा पनि बृद्धि हुने छ ।

वृश्चिक
आफ्नो पैतृक सम्पत्ति तथा आफुले सृजना गरेको धनको अवस्थाबाट सुखको अवस्था सृजना हुने छ । प्रतिष्पर्धी स्वाभाव हुने छ । छोटोछोटो यात्रा गर्नु पर्ने अवस्था आउने छ । ब्यक्तित्वमा भने गिरावट आउने छ । शरीर कमजोर हुने तथा रगतसँग सम्बन्धी विषयमा भने सतर्क रहनु होला । पेशागत जीवनमा भने चुनौतिहरु र विवाद देखा पर्न जाने छ ।

धनु
बोलीमा एक रुपता हुने छैन् । तुरुन्तै नरम खालको बोली कडा बोली मा त कडा खालको बोली नरम रुपमा परिवर्तन भइरहेको आभाष अरुलाई हुने छ । पढाईमा मन लाग्ने छ । भाग्यको साथ रहनाले प्रतिकुलतासँग जुध्न शक्ति प्राप्त हुने छ । जीवनसाथिको साथ लिएर अघि बढेमा भाग्यको पनि साथ जोडिन पुग्न हुँदा कार्यसम्पन्न हुन मद्दत पुग्ने छ । मनमा अनावश्यक दुविधा र चिन्ता थपिने भएकाले मनोबलको अभाव देखिने छ ।

मकर
दाम्पत्ति एक अर्कामा समर्पित हुने स्वाभाव पैदा हुने भएता पनि विवादले भने स्थान लिने छ । प्रतिष्पर्धात्वम स्वाभावमा बढोत्तरी हुने छ । शत्रु पराजय हुने छन् । तर अनावश्यक शुरोपनामा पनि भारी बृद्धि हुने भएकाले यसबारेमा भने निकै सतर्क रहँदा उपयुक्त हुने छ । मनमा अलि निराशाको भाव भने पैदा भइरहने छ । पेशागत जीवन र व्यवसायमा थप जोखिम उठाउनु पर्ने अवस्था आउँछ ।

कुम्भ
मनमा खिन्नता छाइ रहने छ । मन उदास हुने भएकाले उत्साह र उमङ्गको कमि हुन जाने छ । मन नियन्त्रण गर्न योग र ध्यानलाई पनि स्थान दिनु होला । आम्दानीमा हुने केही बृद्धि वा सकारात्मक परिस्थितिले केही सन्तोष प्रदान गर्ने छ । मेहनति र पराक्रमी स्वाभाव निरन्तर रहने छ । परिवारको कदर र भरोसा आफुप्रति बृद्धि हुने छ । धन सम्पत्तिका विषयमा देखा परेका बिबादहरु समाधानतर्फ जाने छन् ।

मीन
पेशागत र ब्यवसायिक जीवनमा लाभ प्राप्त हुने छ । यसबाट धन सम्पत्तिमा थोरै भए पनि बृद्धि हुन पुग्ने छ । तर पेशागत जीवनमा नसोचिएका समस्याहरु उत्पन्न हुन जाने भएकाले त्यसले अनावश्यक झमेलामा धकेलिदिने छन् । आमा तथा जीवनसाथिको साथ लिएर काम गरेमा धैर्यता प्राप्त हुने छ । यसले नोक्सानीबाट बच्न भरोसा प्राप्त हुने छ । बोलीमा आउने कडापनले पारीवारिक सदस्यहरुका बीच तनाव पैदा गरिदिने छ।