काठमाडौँ । कोरोना भाइरस (कोभिड–१९)को संक्रमण दर बढ्दै गएपछि ४६ जिल्लामा निषेधाज्ञा लागू भएको छ । गृह मन्त्रलयका अनुसार देशभर ४६ जिल्लामा निषेधाज्ञा लागू भएको हो ।

सरकारले शहरी क्षेत्रमा पाँच सय र ग्रामीण क्षेत्रमा दुई सय सक्रिय संक्रमित भए स्थानीय तह तथा प्रशासनले निषेधाज्ञा लगाउन सक्ने गरी अधिकार प्रत्यायोजन गरेको थियो । सोही अधिकारको प्रयोग गर्दै जिल्ला प्रशासन कार्यालय जिल्ला संकट व्यवस्थापन केन्द्रका सिफारिसमा निषेधाज्ञा लगाउँदै आएका छन् ।