काठमाडौं । अक्सिमिटर र सेनिटाइजरको कालोबजारी गर्ने १ जनालाई प्रहरीले पक्राउ गरेको छ ।

कामनपा–१७ क्षेत्रपाटीमा रहेको बिबिआर इन्टरप्राइजेजबाट कालोबजारी गरी अक्सिमिटर र सेनिटाइजर बिक्री गरेको अवस्थामा प्रहरीले सिराहा लाहान नपा २४ घर भई बिबिआर इन्टरप्राइजेज क्षेत्रपाटीका संचालक ३४ वर्षीय भगवान बाबुराय राजपुतलाई पक्राउ गरेको हो ।

कालो बजारी ऐन अन्तर्गत महानगरीय प्रहरी परिसर काठमाडौंबाट थप अनुसन्धान भइरहेको प्रहरीले जनाएको छ । प्रहरीले उनको साथबाट ८ थान अक्सिमिटर र १२४ ग्यालेन (प्रतिग्यालेन ५ लिटर) सेनिटाइजर बरामद गरेको छ ।