काठमाडौं । प्रधानमन्त्री केपी शर्मा ओलीले आज प्रतिनिधि सभामा विश्वासको मत लिँदैछन् । आज दिउँसो १ बजे सुरु हुने प्रतिनिधि सभाको विशेष अधिवेशनमा प्रधानमन्त्री ओली विश्वासको मत लिँदैछन् ।

विश्वासको मत लिँदा ओलीको पक्षमा बहुमत सांसद उभिए प्रधानमन्त्रीमा निरन्तरता पाउँछन् । तर, उनको पक्षमा बहुमत सांसद उभिएनन भने प्रधानमन्त्री पदबाट राजीनामा दिनुपर्छ । यसपछि नयाँ सरकार गठनको प्रक्रिया सुरु हुन्छ । राष्ट्रपतिको कार्यालयले समयसीमा तोकेर संसदलाई नयाँ सरकार गठनका लागि आग्रह गर्ने छ ।
यता खनाल–नेपाल समूहले सोमबार बिहान ९ बजेसम्म १३ घण्टाको अल्टिमेटम दिएकाे छ। यदि त्यो समयमा पनि सहमति नभए खनाल–नेपाल समूहले सामूहिक राजीनामा दिने बताएको छ । मध्यराति नेपालले पार्टीको एकता कायम राख्न आग्रहसहितको पत्र ओलीलाइ पठाएका थिए ।