काठमाडौँ । एमाले माधव कुमार नेपाल समुहका २२ जना सांसद प्रधानमन्त्रीलाई विश्वासको मत दिन प्रतिनिधि सभाको बैठकमा सहभागी नहुने भएका छन् । नेपाल समूहका सांसदको आज बसेको बैठकले प्रधानमन्त्रीलार्ई विश्वासको मत नदिने निर्णय गरिएको छ ।

प्रधानमन्त्री ओलीले विश्वासको मत लिनुभन्दा एक दिन अगाडि संवैधानिक परिषदको बैठक बोलाएर स्वच्छाचारी नियुक्ति गरेको भन्दै ओलीलाई विश्वासको मत दिनु भनेको लोकतन्त्रलाई नै कमजोर बनाउनु भएको नेपाल पक्षका नेता भिम रावलले बताएका छन् ।

बैठकपछि पत्रकारसँग कुरा गर्दै रावलले अध्यक्ष केपी शर्मा ओलीले लगाएको ह्वीप अवैधानिक भएको भन्दै त्यस्तो ह्वीपको कुनै अर्थ नभएको बताए ।