काठमाडौं । नयाँ भेरियन्टको कोरोनाको बढ्दो प्रकोपसँगै यसको राकथाम र नियन्त्रणका लागि चन्द्रागिरी नगरपालिकाले एक साताका लागि सिल गरेको छ । नगरपालिकाले जेठ १ गते शनिबार देखि लागु हुने गरि ७ गते सम्म बिहान ६ बजे देखि सांझ ५ बजे सम्म सर्वसाधरणलाई हिँडडुल गर्न पूर्ण रुपमा प्रतिबन्ध लगाएको हो ।

नगरपालिका सिल भएपछि उपत्यका छिर्ने मुख्य नाका नागढुंगाको चेकिङमा समेत कडाई गरेको छ । उपत्यका प्रवेश गर्ने नाका नागढुंगामा सुरक्षा जाँच कडा पारिएको छ । अत्यावश्यक सवारी साधन, एम्बुलेन्स, खाद्यान्न ढुवानीका सवारी साधन बाहेकलाई प्रवेश नाकाबाट नै फर्काउने काम भईरहेको नागढुंगा प्रहरीले जनाएको छ ।