काठमाडौँ । बंगलादेशले कोरोना भाइरस (कोभिड–१९) को नयाँ प्रकार (इण्डियन भेरिएन्ट)बाट संक्रमित बिरामीमध्ये पहिलो व्यक्तिको मृत्यु भएको जनाएको छ ।

सरकारको संक्रमक रोग नियन्त्रण तथा अनुसन्धान कार्यालयले मंगलबार प्रकाशित गरेको तथ्यांकअनुसार मृतक संक्रमित व्यक्ति भारतबाट स्वदेश फर्किएका थिए । बंगलादेशमा अहिलेसम्म ६ व्यक्तिमा नयाँ प्रकारको संक्रमण पुष्टि भएको छ । जसमध्ये मृतक एक जना क्यान्सर र अन्य रोगबाट पीडित थिए ।

बंगलादेशले अप्रिल २६ देखि बन्दरगाह हुँदै भारतबाट फर्किने यात्रुहरूको प्रवेशमा रोक लगाएपछि यस महिनाको शुरुमा अत्यधिक संक्रमक कोरोना भाइरसका दुई घटनाहरू पत्ता लागेका थिए ।

भारतमा कोभिड–१९ संक्रमणको उच्च वृद्धि भएपछि अप्रिल १४ देखि दुई देश बीचको यात्रुबहाक उडानहरूलाई पनि स्थगित गरिएको थियो । एजेन्सी