काठमाडौँ । पछिल्ला २४ घण्टामा कोरोना भाइरस (कोभिड–१९)को संक्रमणबाट ७ हजार ९८९ जना निको भएर घर फर्किएका छन् । स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमका अनुसार देशभर उक्त संख्यामा कोरोनाबाट निको भएका हुन् ।

यसैगरी सोही अवधिमा देशभर थप ८ हजार १७३ जनामा कोरोना संक्रमण पुष्टि भएको छ । पिसिआर विधिबाट ८ हजार ०६४ र एन्टिजेन विधिबाट १०९ गरी कूल ८ हजार १७३ जना संक्रमित भेटिएका हुन् ।

मन्त्रालयका अनुसार सोही अवधिमा संक्रमणबाट थप २४६ जनाको निधन भएको छ ।