काठमाडौँ । नेपाली कांग्रेसले सरकारको १५ बुदे ध्यानाकर्षण गराएको छ । कांगेस सभापति शेरबहादुर देउवालगायतका नेताहरूले प्रधानमन्त्री केपी शर्मा ओलीसँग कोरोनाको संक्रमण रोकथाम, नियन्त्रण र उपचारका विषयमा सरकारको ध्यानाकर्षण गराएका छन् ।

बिहिबार सिहदरबारस्थित प्रधानमन्त्री तथा मन्त्रीपरिषद्को कार्यालयमा प्रधानमन्त्री ओलिसँग कांग्रेसका सभापति देउवा लगायत बालकृष्ण खाँड, शंसाक कोईराला, कुल बहादुर खड्का, कृष्णप्रसाद सिटौला, डा रमशरण महत, प्रकाशशरण महतको टोलिले कोभिड-१९ र समसामयिक विषयमा भेटघाट गरेर ज्ञापनपत्र बझाएका हुन् । उक्त भेटघाटमा उपप्रधानमन्त्री ईश्वर पोखरेल, स्वास्थ्यमन्त्री हृदयेश त्रिपाठी, अर्थमन्त्री विष्णुप्रसाद पौडेल ,नेता सुभाष नेम्वाङको पनि उपस्थिति रहेको थियो ।

काग्रेसले कोरोना संक्रमणबाट जनतालाई सुरक्षित राख्न, तत्काल सबैलाई खोप लगाउने सुनिश्चित गर्न सरकारको ध्यानाकर्षण गराएको हो । कोरोनाको तेस्रो लहर आएकोले त्यसबाट सुरक्षित राख्न तत्काल सबै नागरिकलाई खोप लगाउन कांग्रेसको माग छ । देउवाद्वारा जारी विज्ञिप्तीमा- “खोप खरिदलगायतमा देखिएका अनियमितता छानविन गर्न, अस्पतालहरूमा शय्यादेखि अक्सिजन अभाव देखिएकोले तत्काल व्यवस्थापन मिलाउन, नाकाहरूमा पिसिआरको अनिवार्य व्यवस्था गर्न, निम्न आय भएकाहरूलाई राहत उपलब्ध गराउन माग गरिएको छ ।”