काठमाडौं । आगामी साताबाट नेपाल एयरलान्स र हिमालय एयरलाइन्सले कतार र चीनमा नियमित उडान गर्ने भएका छन्। गत सोमबार बसेको मन्त्रिपरिषद् बैठकले कोभिडसम्बन्धी सहज आपूर्तिको लागि कतार र चीनमा उडान खुल्ला गर्ने निर्णय गरेको हो।
संस्कृति पर्यटन तथा नागरिक उड्डयन मन्त्रालयमा सोमबारको मन्त्रिपरिषदको निर्णय बिहीबार मात्रै आएको जनाएको छ ।

मन्त्रालयका सूचना अधिकारी प्रेम सुवेदीले भने कोभिड रोकथाम, नियन्त्रण तथा उपचारसँग सम्बन्धित सहज आवतजावतका लागि कतार र चीनमा उडान गर्न नेपाली वायुसेवा कम्पनीले सहज उडान गर्न अनुमति दिने निर्णय भएको जानकारी दिए ।

उनलेभने,“नियमित उडानमा यात्रु जान पाउने वा नपाउने स्पष्टता मन्त्रालयले गर्छ।” उनले आगामी साताबाट मात्रै एक–एक नियमित उडान खुल्ला हुने बताए।