काठमाडौँ । नेकपा एमालेको स्थायी कमिटी बैठक बस्ने भएको छ । प्रधानमन्त्री निवास बालुवाटारमा एमाले स्थायी कमिटी बैठक बस्न लागेको एमाले स्थायी समिति लेखराज भट्टले जानकारी दिए । उनले बैठकको एजेण्डाका बारेमा कुनै जानकारी दिएनन् ।

तर, बैठकले एमाले नेता माधुव कुमार नेपाल पक्षलाई कारबाही गर्ने तयारी भएकाे जनाइएकाे छ । शुक्रबार प्रधानमन्त्रीको दाबी पेशमा नेपाल पक्षले कांग्रेस सभापति शेरबहादुर देउवालाई समर्थन गरेका थिए ।

यस्तै वागमती प्रदेशमा भएको राष्ट्रिय सभाको उपनिर्वाचनमा एमालेका उम्मेदवार रामबहादुर थापालाई हराउन नेपाल पक्षले गरेको असहयोगको बारेमा पनि छलफल हुने जनाइएको छ ।