काठमाडौँ । पार्टीबाट निष्कासनमा परेका माधव नेपाल, झलनाथ खनालसहित ११ जना नेतालाई पार्टीबाट निष्कासन गर्ने काम एमाले अध्यक्ष केपी शर्मा ओलीको निरकुंश र तानाशाही निर्णय भएको बताएका छन् । यस्तै, १२ जनालाई स्पष्टीकरण सोध्ने काम स्वेच्छाचारी भएको भन्दै विज्ञप्ति निकालेर विरोध जनाएका छन् ।

‘प्रधानमन्त्रीसमेत रहेका ओली स्वयं संविधान र पार्टी विधान उल्लंघन गर्ने, लोकतन्त्रको मूल्य मान्यता कुल्चने र तानाशाही व्यवहार गर्ने काम गरेका छन्,’ विज्ञप्तिमा भनिएको छ, ‘आफ्नै दल र राष्ट्रिय एकतालाई फुट र अराकताको बाटो समात्ने, देशमा अस्तव्यस्त स्थिति सिर्जना गर्ने काम भएको छ ।’