काठमाडौं । प्रधानमन्त्री सुशीला कार्कीका दुई सल्लाहकारले समय अगावै राजीनामा दिएका छन् । सरकारको आयू सकिने बेलामा मुख्य सल्लाहकार अजयभद्र खनाल र जनसम्पर्क सल्लाहकार गोविन्द नारायणले एकसाथ राजीनामा बुझाएका हुन् ।

प्रतिनिधिसभा सदस्यको निर्वाचन सम्पन्न भएर नयाँ सरकार गठनको गृहकार्यसँगै प्रधानमन्त्री सुशीला कार्कीले बहिर्गमनकाे दिन एक हप्ता पनि बढी छैन । उनी निस्कँदा उनका सल्लाहकारहरू पनि स्वत पदमुक्त हुनेथिए ।

तर एक एक हप्ता पनि धैर्य नगरी राजीनामा दिनुमा उनिहरुकाे असन्तुस्टी रहेकाे सहजै अनुमान लगाउन सकिन्छ । दुइ जनाले राष्ट्रिय सभामा मनोनयनका लागि मन्त्रीपरिषदबाट आफुहरु दुई मध्ये एक जनाकाे नाम सिफारिस गर्न प्रधानमन्त्री कार्कीलाइ दवाव दिएकाे बालुवाटार निकट स्राेतले दाबी गर्यो ।

तर कार्कीले गत चैत १ गते मन्त्रिपरिषद बैठकले गृहमन्त्री ओमप्रकाश अर्याललाई राष्ट्रिय सभामा मनोनयनका लागि सिफारिस गर्ने निर्णय गराइन् । यसबाट असन्तुष्ट भएर सल्लाहकारद्वयले राजीनामा दिएको बालुवाटार निकट स्राेतले दाबी गर्यो ।

साेही दिनकाे मन्त्रीपरिषद बैठकबाट प्रधानमन्त्री कार्कीले स्वकीय सचिव आदर्श श्रेष्ठलाई राष्ट्रिय प्रकृति संरक्षण कोषको अध्यक्षमा नियुक्त गर्ने निर्णय गरेकी थिइन् ।

यसरी प्रधानमन्त्री कार्कीले अर्याल र कार्की दुई जनालाइ मात्रै काखी च्यापेकाे र आफुहरुकाे नयाँ व्यवस्थापन नगरिदिएकाे उनीहरुकाे गुनासाे छ ।

त्यसाे त प्रधानमन्त्री कार्कीले दिएकाे हालै एक अन्तरवार्तामा आफुलाइ सचिवालयका आदर्श श्रेष्ठ र प्रेस सल्लाहकार रामबहादुर रावलले काम गर्दा खास गुन लगाएकाे जवाफ दिएकी थिइन् । जसबाट प्रधानमन्त्री कार्कीलाई अजयभद्र खनाल र गोविन्द नारायणले कार्यसञ्चालनमा खास याेगदान नगरेकाे रुपमा समेत अर्थ लगाइएकाे छ ।

अजयभद्र खनाल र गोविन्द नारायणले भने आफुहरु पद बार्गेनिङका लागि नभई प्रधानमन्त्री कार्कीको एकलकाटे स्वभाव र पछिल्ला विवादित नियुक्तिका कारण राजीनामा दिएको निकटस्थसंग बताउने गरेका छन् । धेरै समयअघि देखि नै खनालले प्रधानमन्त्री कार्कीसँगको आउजाउ कम गरेको बताइन्छ।