काठमाडाैं । नेकपा (एमाले) सुदूरपश्चिम प्रदेश कमिटीले प्रदेश सरकारमा सहभागी तीन मन्त्रीलाई सरकार छाड्न निर्देशन दिएकाे छ । प्रदेश कमिटीले आन्तरिक तथा मामिला तथा कानून मन्त्री प्रकाशबहादुर शाह, उद्याेग, पर्यटन, वन तथा वातावरण मन्त्री माया भट्ट र सामाजिक विकासमन्त्री माया भट्टलाई तत्काल पार्टी निर्णयबमाेजिम सरकार छाड्न निर्देशन दिएकाे हाे ।

शनिबार बसेकाे एमालेकाे स्थायी कमिटी बैठकले सुदूरपश्चिचम सरकारलाई दिएकाे समर्थन फिर्ता लिँदै सरकारमा सहभागी मन्त्रीलाई तत्काल सरकार छाड्न निर्देशन दिएकाे थियाे । पार्टी स्थायी कमिटीले सरकारलाई दिएकाे समर्थन फिर्ता लिन निर्देशन दिएकाे भए पनि बुधबार बसेकाे प्रदेश संसदीय दलकाे बैठकले पार्टी निर्यणलाई चुनाैती दिँदै मुख्यमन्त्री त्रिलाेचन भट्टलाई समर्थन गर्ने निर्णय गरेकाे थियाे ।