काठमाडौँ । पाकिस्तान सरकारले नेपालमा रहेका आफ्ना ६२ जना नागरिकलाई आज बिहान काठमाडौँस्थित त्रिभुवन अन्तर्राष्ट्रिय विमानस्थलबाट स्वदेश फिर्ता लगेको छ । हिमालय एअरलाइन्सको एच ९५८९१ चार्टर उडानबाट बिहान ९ बजेर ५० मिनेटको उडानमार्फत उनीहरुलाई पाकिस्तानको लाहोर लगेको हो ।

विभिन्न समयमा नेपाल आएका आफ्ना नागरिक कोरोना भाइरस (कोभिड–१९) महामारी र निषेधाज्ञाका कारण काठमाडौँ रोकिएका थिए । पाकिस्तानले आज उनीहरुलाई आफ्नो देश लगेको हो ।

पाकिस्तानी राजदूतावासले चार्टर उडानबाट उद्धारको प्रबन्ध मिलाएर सोमबार बिहान लगेको र आज साँझ ४ बजे सोही विमानबाट पाकिस्तानमा डाक्टरी अध्ययनरत १४ जना नेपाली युवा स्वदेश फर्किने भएका छन् ।