काठमाडौँ । कोरोना भाइरस (कोभिड १९) युनिफाइड केन्द्रीय अस्पताल (वीर अस्पताल)मा दुई जना उपनिर्देशक नियुक्त भएका छन् ।

डा. नवीन पोखरेल र डा. अशेष ढुंगाना उपनिर्देशकमा नियुक्त भएका हुन् । दुवै जनालाई अस्पतालका प्रमुख प्रशासकीय अधिकारी प्रा.डा. जागेश्वर गौतमले उपनिर्देशकमा नियुक्त गरेका हुन् ।

डा. ढुंगानालाई भने वीरको कोभिड १९ हेर्ने गरी उपनिर्देशक बनाइएको हो । उनी वरिष्ठ छाती रोग विशेषज्ञ हुन् । यसैगरी, डा. पोखरेल दशौँ तहका चिकित्सक हुन् ।

राष्ट्रिय ट्रमा सेन्टरका एनेस्थेसिया एण्ड क्रिटिकल केयर विशेषज्ञ हुन् । पोखरेलले वीरको नन कोभिडतर्फको उपचार हेर्ने छन् ।

सरकारले कोभिड–१९ संकट व्यवस्थापन अध्यादेश जारी गरेसँग वीर अस्पताललाई कोभिड–१९ युनिफाइड केन्द्रीय अस्पताल रुपमा सञ्चालन तोकिएको छ । अस्पताल स्वास्थ्य मन्त्रालय नै सञ्चालन गर्ने व्यवस्था छ ।