काठमाडौँ । नेकपा (एमाले)बाट निष्कासित भएका नेता माधव नेपाल र झलनाथ खनाल पक्षको केन्द्रीय कमिटीको बैठक सुरु भएको छ । तर, नेकपा एमाले कार्यालय सचिव शेर बहादुर तामाङले प्रेस विज्ञप्ति जारी गर्दै पार्टीले कारबाही भएका अनधिकृत व्यक्तिले बोलाएको भनिएको बैठकमा सहभागी नहुन जानकारी गराएका थिए ।

भर्चुअल माध्यममार्फत १२ बजेदेखि सुरू भएको बैठकमा पछिल्लो पार्टीभित्रको घटना क्रमबारे छलफल हुने बताइएको छ । बैठकमा पार्टी एकता जोगाउन संस्थापन केपी शर्मा ओली पक्षका नेताहरूसँग छलफलमा रहेका योगेश भट्टराई, गोकर्ण विष्ट, सुरेन्द्र पाण्डेसमेत सहभागी भएका छन् ।

बुधबार नेपाल पक्षका जन वर्गीय संगठनका प्रमुखसँग भएको छलफलमा अधिकांशले अलग पार्टी खोल्न नेता नेपाललाई दबाब दिएका थिए । आजको बैठकले यसबारे औपचारिक निर्णय हुने जनाइएको छ ।