प्रभातका लाली क्यानभासमा पोख्न !
निर्माणको गोरेटो कोट्याउँदै चाडै उठ्नुपर्यो !!
कूची र छीनीले तिमीलाई खोज्दैछिन् !
चट्टानलाई कुदेर गरिदेऊ नव सिर्जना !!
कूचीलाई गोड्दा उम्रन्छन् रत्नका दाना !
आजैदेखि रोपौँ कर्तव्यका विरुवा !!
भोली सिर्जना लटरम्ब फल्नेछन् !
बुद्धि विवेक लगाएर गरौं लाखौं परिश्रम !!
हामीलाई क्यानभासले दिनेछिन् सिर्जना !
धातुले दिनेछिन् सालिक !!
यही देशको कलालाई गरौं बारम्बार चुम्मन !
कला नै देशको सम्पत्ति हो, कलाले के दिन बाँकी छ !!
पाखुरीलाई सोधी हेर !
छातीभित्र सृजना फूल्न बाँकी छ !!

कवि लुइटेल मोरङका खाद्य उद्योगी हुन् ।