काठमाडौँ । प्रधानमन्त्री केपी शर्मा ओलीले आज शुक्रबार मन्त्रिपरिषद् पुनर्गठन गर्ने भएका छन् । शुक्रबार साँझ जनता समाजवादी पार्टी (जसपा)का महन्थ–राजेन्द्र समूहसहितका मन्त्रीहरूलाई सपथ खुवाउन लागिएकाे छ ।

प्रधानमन्त्री ओलीले अर्थमन्त्री विष्णु पौडेल, शिक्षा मन्त्री कृष्णगोपाल श्रेष्ठ, कानुन मन्त्री लीलानाथ श्रेष्ठ, भौतिक पूर्वाधार मन्त्री वसन्त नेम्वाङबाहेक सबै मन्त्रीलाई हटाएर नयाँ मन्त्री बनाउने स्रोतले जनाएको छ ।

प्रधानमन्त्री ओलीले रघुवीर महासेठलाई परराष्ट्र र शेरबहादुर तामाङलाई स्वास्थ्यमन्त्री बनाउने भएका छन् । यसअघि प्रदीप ज्ञवाली परराष्ट्र र हृदयेश त्रिपाठी स्वास्थ्य मन्त्री थिए ।