पर्सा । हुन्डी कारोबारको ३ लाख रुपैया सहित वरिगञ्जबाट एक जना पक्राउ परेका छन् । जिल्ला प्रहरी कार्यालय पर्साले वीरगञ्ज महानगरपालिका–६ बस्ने ३९ वर्षीय अमित कुमार गुप्तालाई पक्राउ गरेको हो ।

शुक्राबार वीरगञ्ज महानगरपालिका–१६ ईनर्वाचोक स्थित भारत रक्सौलबाट ना २८प ५७५ नम्बरको मोटरसाइकलमा वीरगञ्ज बसपार्कतर्फ आउँदै गरेको अवस्थामा चेकजाँच गर्ने क्रममा अण्डरवेयरमा लुकाईछिपाई राखिएको ३ लाख रुपैयाँ सहित गुप्तालाई पक्राउ गरेको जिल्ला प्रहरी कार्यालय पर्साले जनाएको छ ।

पक्राउ परेका गुप्ताविरुद्ध बैंक तथा बित्तीय संस्था सम्बन्धी कसुरमा आवश्यक अनुसन्धान अघि बढाइएको प्रहरीले जनाएको छ ।