काठमाडौँ । स्वास्थ्यकर्मीमाथी कुटपिट तथा हातपात गरे ३ वर्षसम्म कैद र ३ लाख रुपैयाँ वा दुवै सजाय हुने भएको छ । राष्ट्रपति विद्यादेवी भण्डारीले जारी गरेकी ‘स्वास्थ्यकर्मी तथा स्वास्थ्य संस्थाको सुरक्षासम्बन्धी (पहिलो संशोधन) अध्यादेश २०७८ मा यस्तो व्यवस्था गरिएको छ ।पछिल्लो समय कोरोना महामारीमा खटिएका स्वास्थ्यकर्मी र चिकित्सकहरूमा आज भएको नयाँ ऐनको दफा ३ अन्तर्गत कसैले पनि स्वास्थ्य उपचारको विषयलाई लिई स्वास्थ्य संस्था वा विरामीको उपचारमा खटिएका स्वास्थ्यकर्मी वा स्वास्थ्य संस्थामा कार्यरत कर्मचारीविरुद्ध घेराउ गर्ने, हातपात गर्ने वा शारीरिक रूपमा आघात पु¥याउने काम गर्न नपाउने अध्यादेशमा भनिएको छ ।

यसैगरी, दफा ३ (क)मा स्वास्थ्य संस्थामा आगजनी गरेमा २ वर्षदेखि ५ वर्षसम्मको जेल वा २ लाखदेखि ५ लाखसम्म वा दुवै जरिवाना हुने अध्यादेश उल्लेख छ । सोही दफाको (ख)मा स्वास्थ्य संस्थामा तोडफोड वा हानी नोक्सानी गरेमा वा (ग)मा स्वास्थ्य संस्थामा उपचारका कर्मचारीलाई कुटपिट गरेमा तीन वर्षसम्म कैद र ३ लाख रुपैयाँ वा दुवै हुने अध्यादेशमा उल्लेख छ ।

स्वास्थ्यकर्मी वा स्वास्थ्य संस्थामा कार्यररत कर्मचारीलाई हातपात गरेमा वा कुनै किसिमका धम्की वा गाली गलौच गरेमा एक वर्षसम्म जेल र एक लाख जरिवाना वा दुवै सजाय हुने समेत अध्यादेशमा भनिएको छ ।

यो अध्यादेशलाई चिकित्सकहरूले स्वागतसमेत गरेका छन् । पछिल्लो समय कोरोना संक्रमितको उपचारमा खटिएका स्वास्थ्यकर्मीहरूमाथि पटक–पटक भौतिक आक्रमण तथा दुव्र्यवहारका घटना बढ्न थालेपछि सरकारले दोषीलाई कारबाही गर्न अध्यादेश जारी गरेको छ ।

यो अध्यादेशले स्वास्थ्यकर्मी र चिकित्सकहरूमाथि हुने आक्रमण कम हुने चिकित्सकहरूको आशा व्यक्त गरेका छन् । नेपालमा स्वास्थ्यकर्मीहरूमाथि आक्रमणको घटनाहरू २०६२ सालबाट देखिएको थियो ।