काठमाडौं । आज २०७८ साल ज्येष्ठ महिनाको २४ गते सोमबार, ज्येष्ठ कृष्णपक्षको द्वादशी तिथि । आज सोम प्रदोषव्रत रहेको छ । अब लागौं आजको राशिफलतर्फ

मेष
परिवारमा कटुता देखा पर्ने छ । धन सम्पत्तिका विषयमा तनाव उत्पन्न हुने छ । पेशागत जीवन भने अनुकुल रहने छ । नरम खालको व्यक्तित्व र स्वाभाव हुने भएकाले यसले अरुसँगको बोलचाल वा संगतमा सहजता ल्याउने छ । बोलीमा भने रुखोपना आउन जाँदा कतिपय अवस्थामा भने सम्बन्धमा तिक्तता निम्तिने छ । गिटी, वालुवा, सिमेण्ट, निर्माणका सामग्री, फलामका वस्तुहरु, ठेक्कापट्टा, ग्यारेज जस्ता क्षेत्रमा सक्रियहरुलाई फाइदा मिल्ने छ ।

वृष
आम्दानीमा भने केही बृद्धि देखिने छ । सुख, सुविधाको उपभोग गर्न मिल्ने छ । आत्माविश्वासी व्यक्तित्व हुने छ । मनमा भने सन्तोष र खुशी प्राप्त हुने छैन् । मनलाई नियन्त्रित गर्न धार्मिक आध्यात्मिक मार्गलाई अवलम्बन गर्दा फाइदा मिल्ने छ । साझेदारीमा रहेका कामहरुमा अबरोध देखा पर्ने छ । पेशागत जीवन मध्यम खालको रहने छ । निर्माण जगत, श्रम क्षेत्र, राजनीति, व्यवस्थापन, फोहर ब्यवस्थापन, कवाडीका सामानको व्यापार जस्ता क्षेत्रको व्यापारमा संलग्नहरुलाई समय अनुकुल रहने छ ।

मिथुन
परिवारमा बिबाद र समस्या आउने भएकाले उच्च सतर्कतासहित संयमित रहनु होला । बोलीको प्रभावमा गिरावट आउने छ । बुद्धि र चतुरताको कमि हुन जाने छ । समय संयमित रहनु पर्ने खालको छ । आम्दानीमा भने केही सकारात्मकता देखिने छ । भाग्यको साथ नरहेकाले सकारात्मक नतिजाहरु प्राप्त हुन कठिन हुने छ । जीवनसाथिको साथ लिएर कार्य गरेमा फाइदा मिल्ने छ । शैक्षिक क्षेत्र, अध्यापन, शिक्षण, पत्रकारिता जस्ता क्षेत्रमा संलग्नहरुलाई समय सकारात्मक रहेको छ ।

कर्कट
संयमित भएर अघि बढ्नु पर्ने समय छ । मनोबल कमजोर हुनेछ । दुविधात्मक ब्यक्तित्व बन्ने हुँदा जताततै अन्योलता जस्तो देखा पर्ने छ । यसले गर्दा प्रतिष्पर्धात्मक क्षमतामा पनि गिरावट आउने छ । निर्णय क्षमतामा ह्रास आउन जाँदा कुनै पनि विषयमा निर्णय लिन कठिन हुने छ । पेशाप्रति समर्पित हुन भने मन लाग्ने छ । रेष्टुरेण्ट, होटल, डान्सबार, बाउन्सर, सेक्युरिटी क्षेत्र, सुरक्षा निकाय आदी क्षेत्रमा कार्यरतहरुलाई समय प्रतिकुल छ ।

सिंह
शारीरिक रुपमा चोट पटक तथा स्वस्थ्य अवस्थामा आउने समस्याका कारण अस्पतालको खर्च गर्नु पर्ने अवस्था आउन जाने छ । भाग्यहिनताको अवस्था रहेकाले सुख सन्तोषको अभाव हुने छ । घर घडेरी बेच्नु पर्ने बाध्यात्मक अवस्था आउन सक्ने भएकाले सतर्क रहनु होला । वा घर घडेरीको विषयमा घाटा लाग्ने तथा बिबाद चर्किने अवस्था आउने छ । साझेदारीमा गरिएका काममा द्वन्द देखा पर्ने छ । समय संयमित भएर हिड्नु पर्ने खालको छ । ब्यापार तथा व्यवस्थापनमा संलग्नहरुलाई भने समय धेरै नकारात्मक बन्ने छैन् ।

कन्या
साझेदारीका कामहरुमा कठिनाई उत्पन्न हुने छ । दाम्पत्य जीवनमा समस्या आउने भएकाले संयमित रहनु होला । मनमा दुविधाले सताउने छ । मनमा देखा पर्ने अशान्ति तथा पिरलोलाई शान्त पार्न ध्यान, जप तप, योगाभ्यास तथा भजन श्रवण गर्ने तर्फ जाँदा फाइदा मिल्ने छ । भाग्यको साथ रहेकाले व्यवस्थापन, स्टेशनरी, वाणिज्य क्षेत्र जस्ता क्षेत्रमा संलग्नहरुलाई समय धेरै प्रतिकुल भने बन्ने छैन् । आयात निर्यात, ब्यापार, पानीको कारोवार, कोल्ड ड्रिङ्स, आइसक्रिम आदी क्षेत्रमा सहभागिहरुलाई समय प्रतिकुल रहने छ ।

तुला
साझेदारीमा गरिएका काममा प्रगति हुन जाने छ । यसबाट फाइदा मिल्ने छ । जीवनसाथिको साथ सहित काम गरेमा त्यो निकै प्रतिफलमुलक बन्ने छ । तर पितासँग भने सोचाई नमिल्दा बिबाद देखा पर्ने छ । आफ्नो कार्यालयका हाकिमहरुसँग बिबाद बढ्ने भएकाले यसबारेमा संयमित भएर अघि बढ्नु होला । पेट्रोलिय पदार्थको कारोवार, श्रम आपूर्ति, फलामजन्य कारोवार, मलको कारोवार, विषादीको कारोवार आदीमा संलग्नहरुलाई समय अनुकुल रहने छ ।

वृश्चिक
निर्णय क्षमतामा धेरै गिरावट आउने छ । मनमा नकारात्मक भावनाले सताउने छ । मनमा दुविधाले अत्याधिक सताउने भएकाले धार्मिक आध्यात्मिक उपायहरुमा ध्यान केन्द्रीत गर्दा राम्रो हुने छ । भाग्यको साथ नरहेकाले संघर्ष धेरै तर प्रतिफल थोरै प्राप्त हने छ । पेशागत जीवनमा समस्या देखा पर्न जाने देखिएकाले ध्यान दिनु होला । सकभर विवादमा फस्दै नफस्नु नै उत्तम हुने छ । होटल, रेष्टुरेण्ट, डान्सबार, बाउन्सर, सुरक्षा निकाय, जलविद्युत, खेलाडि, बडिगार्ड जस्ता पेशामा आवद्धहरुलाई समय प्रतिकुल रहने छ ।

धनु
भित्रि बुद्धिको सक्रियतामा शिथिलता आउने छ । अध्ययन अध्यापनमा पटक्कै मन जाने छैन् । सन्तान सुख प्राप्त हुने छैन् । शारीरिक कमजोरी अध्याधिक बढ्न जाने र रगतजन्य समस्याले च्याप्न खोज्ने भएकाले शारीरिक अभ्यास र योगाभ्यासमा अनुशासित भएर संलग्न भएमा फाइदा मिल्ने छ । बोलीमा कडापन बढ्न पुग्ने भएकाले यसप्रति संयमित रहनु होला । वाणिज्य, ब्यापार, व्यवस्थापन, पत्रकारिता, लेखन, स्टेशनरी जस्ता क्षेत्रमा सक्रियहरुलाई समय प्रतिकुल छ । राजनीति र ठेक्कापट्टामा रहेकाहरुलाई भने अनुकुल नै रहने छ ।

मकर
व्यक्तित्वमा दृढता आउने छ । तर रिस कडा खालको हुने भएकाले यसबारेमा ध्यान पुर्‍याउनु होला । जीवनसाथिको साथ लिएर काम गरेमा कार्य सफलता मिल्ने छ । साझेदारीमा गरिएका काममा गम्भीरखाले बिबाद देखा पर्ने भएकाले सतर्क रहनु होला । पेशागत जीवनमा पनि समस्या देखा पर्ने छ । ब्युटिसियन, सौन्दर्यका प्रशाधन, घरायशी सामानको कारोवार, भान्साको सामानको कारोवार, सजावटका सामानको कारोवार गर्नेहरुलाई समय प्रतिकुल छ ।

कुम्भ
प्राज्ञिक, बौद्धिक क्षेत्र, लेखन, काउन्सेलिङ्ग, धार्मिक क्षेत्र आदीमा संलग्नहरुलाई फाईदा मिल्ने छ । ज्ञान विज्ञानको क्षेत्रमा प्रगति हुने छ । अध्ययन अध्यापनमा पर्याप्त मन जाने छ । मेहनत र पराक्रमी स्वाभावमा गिरावट आउने छ । मनमा सुखको शान्ति हुने छ । सन्तानबाट सुख प्राप्त हुनेछ । पेशागत जीवनमा भने संयमित भएर कदम चाल्नु पर्ने समय छ । प्रतिष्पर्धात्मक स्वाभावमा पनि कमि आउने भएकाले अरुले हेप्ने छन् ।

मीन
ब्यापारमा संलग्नहरुलाई यो समय प्रतिकुल छ । बोलीमा नरमपना देखिने भएकाले अरुले संगत गर्न सहज महशुस गर्ने छन् । यसबाट अरुमा प्रभाव छोड्न मद्दत पुर्‍याउने छ । परिवारको पूर्ण साथ रहने छ । पेशागत जीवनमा भने समस्या आउने भएकाले विचार पुर्‍याउनु होला । अध्यापक, शिक्षण, शिक्षा क्षेत्र, स्टेशनरी, धार्मिक क्षेत्र जस्ता क्षेत्रमा संलग्नहरुलाई समय चुनौतिपूर्ण रहेकाले संयमित हुनु होला । पढाईमा पनि मन नजाने भएकाले विद्यार्थी जीवनमा रहेकाहरुको अध्ययनमा बाधा आउने छ ।